早上九時正與母親抵達學院後，筆者需要到賽馬會演講廳集合，而筆者的母親就於招待處登記。 筆者上到演講廳門前取名牌，但工作人員發現不見了筆者的名牌。
「大佬，唔係咁玩法阿，咁重要架野你都同我整唔知去边！」
不過，經過一番努力後，總算在其他箱子內找回筆者的名牌。 進入大廳內有工作人員指示筆者的坐位是那裏，但古怪的地方就在這裡發生。
「請你坐向右边的座位。」
「右边?個到係左边喎！」
「唔係，呢個係右边，個到係左边」
「....算.....- -''」
其實最清晰的做法應該是說「近講台位」、「中央位置」、「沿路走到盡」會較好一點。因為客人面對你的時候位置會相反，純用左或右來描述的話就不能清楚講出位置。
筆者當日的負責老師是屯門分校的教學助理，在等待他到場接筆者與嘉賓合照前，就得在會場內發呆。因為筆者身邊的人完全不熟悉之後，還要不是同一間分校的人，感覺有點隔隔不入的感覺。在空閒的時間，筆者留意身邊其餘得獎者。 感慨呢！為什麼會有人會身穿格仔服、牛仔褲到場呢? 實在太不專重大會及場合呢！
時間一分一秒過去，筆者都已經與大部份的嘉賓合照了，感覺十分之捧。一個半小時的普通儀式，最為有印象的地方是其中一位議員的演講。
「我記得係我讀緊大學個陣，成績都唔係好好，個陣時我上緊一科建築歷史，認識左一位女仔，佢唔係讀我個科架，佢係讀室內設計，而我就係建築設計，咁因為大家有讀同一科目就會間中會有機會一齊上堂。 因為佢之前讀過建築歷史，但我就冇，所以佢就會不時借d筆記比我，當然後期都係因為咁我考呢一科架成績都相當唔錯，而呢一位女仔亦係成為左我依家架太太。 係建築行業來講，好多時都會係以夫妻檔形式搵食，而家陣我同我太太都係咁，所以如果搵到一個岩心架女仔都可以多多考慮下以夫妻檔形式搵食.........」
議員的確是議員，強項絶對是嘴巴，風趣幽默之外，不失其專業味道。講起「岩心水」三個字，新年期間都被無數身邊的朋友、親戚問相同的問題...
「點阿，有冇拍拖阿！」
「地拖就有阿！」筆者無奈地答
完成儀式後，與母親集合，之後到各個影相點拍照留念。筆者在學院秘書處置遇到一位奇怪的人，話說事件是這樣的....
筆者:「唔該可唔可以幫我地影張相。」
攝影師: 「無問題，你行過去」
筆者:「唔好意思，阻住你地影」
古怪人: 「 唔緊要，你地慢慢影，咁盛大架事，應該係好開心..係咪」
p.s整個超S架笑容給筆者
筆者: 「...ar..係阿..」
古怪人: 「好開心你得到獎」
p.s整個超SS架笑容給筆者
筆者: 「ar....好多謝你」
事後筆者母親問道；「你識個個係边位」
筆者答: 「其實由開頭都家陣都唔知佢係默水..係咁對住人用個種笑容，打個冷震」
完事後就回家休息，參加一次典禮好像用了一整天的精力似的。
話題回到近期，工作量有增沒減。雖然筆者都會偷懶，有空的時候又會看動漫、打機、上網。不過，也不忘自己正業是讀書呢！近期除了要為學期的報告苦惱之外，還有一大堆上課筆者未整理放在書枱上。每次看一到這一堆異物就有點想作嘔的感覺，何時才可以真正的忘記家中的作業呢？
努力努力！
